ក្រុមហ៊ុនជប៉ុននៅស្រុកខ្មែរ ប្រកាសជ្រើសរើសបុគ្គលិកខ្មែរឲ្យចូលបម្រើការងារ

នៅព្រឹកថ្ងៃទី២០ធ្នូនេះ ក្រុមហ៊ុនជប៉ុនចំនួន១៧ បានប្រកាស រើសបុគលិកខ្មែរ ដើម្បីបម្រើការងារនៅភ្នំពេញ និងនៅតំបន់សេដ្ឋកិច្ចពិសេសជាប់ព្រំដែន សម្រាប់ឆ្នាំ២០១៤។

មន្ត្រីក្រុមហ៊ុនជប៉ុន បានប្រកាសរើសជំនាញការងារប្រមាណ២ផ្សេងៗគ្នា សម្រាប់យុវជនកម្ពុជា ឲ្យចូលធ្វើការងារនៅក្នុងក្រុមហ៊ុនជប៉ុន។

ជំនាញទាំងនោះ មានដូចជា បច្ចេកទេសគ្រឿងចក្រ បច្ចេកទេសគ្រឿងរថយន្ត អ្នកបកប្រែភាសា គណនេយ្យ និងអ្នកគ្រប់គ្រង ជាដើម។ហើយអ្នកដែលមានអាទិភាពខ្ពស់ផ្នែកបទសោធន៍ និងភាសាជប៉ុន អាចបញ្ជូនឲ្យទៅធ្វើការងារនៅប្រទេសជប៉ុនទៀត។

កញ្ញា គង់ សូលីដា អនុប្រធានការិយាល័យសេវាកម្ម និង វប្បធម៌ នៃមជ្ឈមណ្ឌលសហប្រតិបត្តិការកម្ពុជា ជប៉ុន ដែលជាអ្នករៀបចំពិព័រណ៍ការងារជប៉ុននៅកម្ពុជា នេះ បានឲ្យដឹងថា នេះគឺជា លើកទី៣ ហើយ ដែលក្រុមហ៊ុនជប៉ុន នៅកម្ពុជា ត្រូវការរើសបុគ្គលិកខ្មែរ។កញ្ញា បានឲ្យដឹងអំពីអត្ថប្រយោជន៍ សម្រាប់អ្នកធ្វើការងារនៅក្នុងក្រុមហ៊ុនជប៉ុន។

(សំឡេង កញ្ញា គង់ សូលីដា )

សូមបញ្ជាក់ថា រហូតមកដល់ពេលនេះ មានក្រុមហ៊ុនជប៉ុនជិត១៥០ហើយ ដែលកំពុងវិនិយោគ និងធ្វើពាណិជ្ជកម្ម នៅកម្ពុជា។

ក្រុមហ៊ុនជប៉ុនទាំងនេះ បានស្រូបកម្លាំងពលកម្មពីយុវជនខ្មែរ ដើម្បីធ្វើប្រតិបត្តិការ។

លោក ម៉ាយ៉ា ជីម៉ា មន្ត្រីក្រុមហ៊ុនជប៉ុន Sumi Cambodia Wiring System បានបញ្ជាក់អំពីប្រភេទការងារ ដែលក្រុមហ៊ុននេះ ត្រូវការយុវជនកម្ពុជា ឲ្យធ្វើការងារ។

(សំឡេង លោក ម៉ាយ៉ា ជីម៉ា)

សូមបញ្ជាក់ថា នៅក្នុងពិព័រណ៍ ក្រុមហ៊ុនជប៉ុននៅកម្ពុជា នេះ មានក្រុមហ៊ុនជប៉ុនចំនួន១៧ ដែលត្រូវការបុគ្គលិក។

យុវជន វន វុឌ្ឍី បានមកដល់ មជ្ឈមណ្ឌលសហប្រតិបត្តិការកម្ពុជា ជប៉ុននៅព្រឹកនេះ ដើម្បីស្វែងរកការងារធ្វើ ពីក្រុមហ៊ុនជប៉ុន។យុវជនរូបនេះ បានបញ្ជាក់អំពីតម្រូវការរបស់ក្រុមហ៊ុនជប៉ុន។

(សំឡេង យុវជន វន វុឌ្ឍី)

កញ្ញា គង់ សូលីដា មន្ត្រីមជ្ឈមណ្ឌលសហប្រតិបត្តិការកម្ពុជា ជប៉ុន បានឲ្យដឹងថា មិនមែនគ្រប់ក្រុមហ៊ុនជប៉ុន ត្រូវការភាសាជប៉ុនជាភាសាអាទិភាពទាំងអស់នោះទេ។ កញ្ញាបានបញ្ជាក់អំពីលទ្ធផលជ្រើសរើសបុគ្គលិកខ្មែរ ពីពិព័រណ៍មុន។

(សំឡេង កញ្ញា គង់ សូលីដា )

សូមបញ្ជាក់ថា ក្រុមហ៊ុនជប៉ុននៅរង់ចាំទទួលយុវជនខ្មែរ រហូតដល់់ម៉ោង៣រសៀលនេះ ដើម្បីទទួលពាក្យសុំចូលធ្វើការងារនៅក្នុងក្រុមហ៊ុនជប៉ុន។ហើយការជ្រើសរើសដូចនេះ គ្រោងធ្វើរយៈពេល៣ដងក្នុង១ឆ្នាំ៕