កម្មកររោងចក្រប៊ីរីប្រមាណ៣ពាន់នាក់តវ៉ាបិទផ្លូវទាមទារប្រាក់អតីតភាពការងារ

កម្មកររោងចក្រកាត់ដេរ ប៊ី រី ក្នុងសង្កាត់ចោមចៅ ជាយរាជធានីភ្នំពេញ ប្រមាណជាង ៣ពាន់នាក់ នៅព្រឹកថ្ងៃសៅរ៍ ទី១៤ ធ្នូ បាននាំគ្នាបិទផ្លូវនៅមុខរោងចក្រឆ្ពោះទៅតំបន់កប់ស្រូវប្រមាណ ៣ម៉ោង ដើម្បីតវ៉ាទាមទារឲ្យថៅកែរោងចក្រផ្តល់ប្រាក់អតីតភាពការងារជូនពួកគាត់។

ប្រធានសហព័ន្ធសហជីពសិទ្ធិកម្មករខ្មែរ លោក ជា សុផា បានឲ្យដឹងថា ការតវ៉ារហូតឈានដល់បិទផ្លូវនេះ ដោយសារកម្មករធ្វើការតវ៉ាអស់រយៈពេល ៤ថ្ងៃមកហើយ តែពុំមានដំណោះស្រាយពីភាគីពាក់ព័ន្ធឡើយ។តែទោះយ៉ាងណា នៅម៉ោងប្រមាណ ១១ថ្ងៃត្រង់ថ្ងៃដដែលនេះ កម្មករសម្រេចបើកផ្លូវបណ្ដោះអាសន្នសិន ដើម្បីសម្រាកទទួលទានអាហារ និងសម្រួលចរាចរណ៍កុំឲ្យមានការកកស្ទះការធ្វើដំណើរច្រើនម៉ោងពេក ប៉ុន្តែកម្មករគ្រោងនឹងធ្វើការបិទផ្លូវនេះជាថ្មីទៀត នៅថ្ងៃដដែលនេះ បើសិនជាពុំមានការដោះស្រាយ៕