ទទួលទានទឹកក្រូច ២ កែវ ក្នុង១ថ្ងៃអាចធ្វើអោយខ្សោយតម្រងនោម

បរិមាណប្រូតេអ៊ីនក្នុងទឹកនោម អាចជាសញ្ញាឆាប់របស់ជំងឺផ្សេងៗ ដូចជាៈ ឈឺបេះដូង, ខ្សោយបេះដូង និងស្ត្រូក ។ដើម្បីឈានដល់ការសន្និដ្ឋានដូចនេះ, សកលវិទ្យាល័យវេជ្ជសាស្ត្រ OSAKA (ជប៉ុន) និងសាកលវិទ្យាល័យ Case Western Reserve (Cleveland, អាមេរិក) បានស្រាវជ្រាវលើបុគ្គលិក និងនិស្សិតសកលវិទ្យាល័យ ១២,០០០ នាក់ ដែលជាពួកអ្នកបានឆ្លងកាត់ការត្រួតពិនិត្យសុខភាពទៀងទាត់រាល់ឆ្នាំ ។ជិត ១១% នៃអ្នកចូលរួមស្រាវជ្រាវ ឲ្យដឹងថា ទទួលទានទឹកក្រូច ២ កំប៉ុង ឬ ច្រើនជាងក្នុង១ថ្ងៃ ។ ពួកវេជ្ជបណ្ឌិតរកឃើញបរិមាណប្រូតេអ៊ីន លេចឡើងក្នុងទឹកនោមរបស់ពួកគេ កើនក្នុង ៣ ឆ្នាំ បន្ទាប់មក ។ ជាង ៨% នៃអ្នកមិនផឹកសូដា និងប្រមាណ ៩% នៃអ្នកផឹក ១ កំប៉ុង ក្នុង១ថ្ងៃ មានលទ្ធផលវិជ្ជមាន ជាមួយប្រូតេអ៊ីនក្នុងទឹកនោម ។

ពួកអ្នកស្រាវជ្រាវវិភាគថាៈ “ក្នុងទឹកក្រូចកំប៉ុង, អ្នកផលិតប្រើស្ករ Fructose ឬហៅថា ស្ករផ្លែឈើ ដើម្បីបង្កើតរសជាតិផ្អែម ។ ប៉ុន្តែ Fructose ធ្វើឲ្យកើនភាពរំញោចរបស់តម្រងនោម ចំពោះ Angiotensin II, ប្រូតេអ៊ីន១ សម្រួលតុល្យភាពអំបិល” ។ រឿងនេះ មានន័យថា អំបិលត្រូវបានស្រូបយកជាថ្មីចូល
តម្រងនោម នាំដល់ជំងឺទឹកនោមផ្អែម, ធាត់ និងលើសឈាម ។

ប្រូតេអ៊ីនក្នុងទឹកនោម នៅអាចជាសញ្ញាឆាប់របស់ជំងឺផ្សេងៗជាច្រើន ដូចជាៈ ជំងឺបេះដូង, ខ្សោយបេះដូង និងដាច់សរសៃឈាមខួរក្បាល, បណ្ឌិត Orlando Gutierrez នៅសកលវិទ្យាល័យ Alabama ឲ្យដឹង ។

សមាគមសរសៃឈាមបេះដូងអាមេរិក បានទូន្មាន ចំពោះបុរសពេញវ័យ, បរិមាណស្ករក្នុងអាហារប្រើរាល់ថ្ងៃ មិនត្រូវលើស ៩ ស្លាបព្រាកាហ្វេ, នៅស្ត្រីពេញវ័យ គឺ ៥ ស្លាបព្រា ។ ចំណែកកុមារ គឺ ៣ ស្លាបព្រា ។ ធម្មតា ទឹកក្រូច១កំប៉ុង ចំណុះ ៣៥០ មីលីលីត្រ ផ្ទុកស្ករប្រមាណ ៧ ស្លាបព្រាកាហ្វេ ៕