បទពិសោធន៍នៃការធ្វើចម្ការ Strawberry របស់ពលរដ្ឋខ្មែរនៅអូស្រ្ដាលីក្នុងលក្ខណៈឧស្សាហកម្មធំ

វិទ្យុអូស្រ្ដាលីសូមណែនាំប្រិយមិត្ដឲ្យជួបពលរដ្ឋខ្មែរដ៏ ឆ្នើម និងគំរូម្នាក់ផ្នែកកសិកម្មដំណាំ Strawberry នៅក្នុងប្រទេសអូស្រ្ដាលីដែលមានកសិកដ្ឋានដាំដំណាំនេះក្នុងទ្រង់ ទ្រាយធំជាលក្ខណៈឧស្សាហកម្មខ្នាតធំផ្គត់ផ្គង់ទីផ្សារមិនត្រឹមតែ ក្នុងប្រទេសអូស្រ្ដាលីប៉ុណ្ណោះទេ តែនាំចេញទៅបរទេសទៀតផង។
លោកវាគ្មិនថ្ងៃនេះ គឺលោក ហ៊ឹម ខេមរា ជាពលរដ្ឋខ្មែរម្នាក់ដែលជាអតីតជនភៀសខ្លួនមករស់នៅលើ
ទឹកដីអូស្រ្ដាលីតាំងពីទសវត្ស១៩៨០។ ហើយបច្ចុប្បន្ននេះលោកមានចម្ការ Strawberry រាប់រយហិចតារនៅក្នុងរដ្ឋ Queensland ប៉ែកឦសានប្រទេសអូស្រ្ដាលី។ កសិដ្ឋានរបស់លោក គឺស្ថិតនៅមិនឆ្ងាយប៉ុន្មានពីក្រុង Brisbane នោះទេ។

នៅថ្ងៃនេះយើងនឹងស្វែងយល់ទាំងគ្នាថា ហេតុអ្វីបានជាការងារកសិកម្មរបស់លោកបានជោគជ័យ?

ហើយហេតុអ្វីបានជាលោកសម្រេចចាប់មុខរបរជាអ្នកដាំដំណាំ Strawberry?

តើផ្លែ Strawberry នេះហេតុអ្វីបានជាពលរដ្ឋអូស្រ្ដាលីពេញនិយមខ្លាំង?