ស្រ្តីម្នាក់អំពាវនាវសុំឲ្យគេជួយរកវិធីយកប្ដីមកពីប្រទេសម៉ាឡេស៊ីវិញ

ស្រ្តីអាយុឆ្នាំ៣៣ឆ្នាំម្នាក់នៅក្នុងស្រុកវ៉ារិនខេត្តសៀមរាប កំពុងដង្ហោយហៅសុំជំនួយពី គ្រប់ទិសទីដើម្បីឲ្យប្ដីបានវិលត្រឡប់មកផ្ទះវិញបន្ទាប់ពីបាន ចាញ់បោកគេទៅធ្វើការនៅលើទូកនេសាទអស់ជាច្រើនឆ្នាំនៅប្រទេស ម៉ាឡេស៊ី។ ការមិនដឹងពីភូមិសាស្រ្តនៃកន្លែងរស់នៅគឺជាឧបសគ្គមួយសម្រាប់ការ ទៅជួយរំដោះ គួបផ្សំនឹងជួបតាមទូរស័ព្ទមានកំណត់។
អ្នកស្រីជុំ អៀប កំពុងតែរស់នៅជាមួយនឹងកូនមួយដោយកំព្រាឪពុក នៅក្នុងភូមិឫស្សីតូច ឃុំស្វាស ស្រុកវ៉ាសិន ខេត្តសៀបរាប។ អ្នកស្រីដែលមិនចេះអក្សរនោះ បានពឹងពាក់អ្នកភូមិឲ្យស្វែងរកជំនួយពីអង្គការនានាជាង១ឆ្នាំក៏ប៉ុន្តែមិនទទួលលទ្ធផលសោះដោយសារហាក់ដូចជាស្វែងរកជំនួយមិនចំគោលដៅដែលនាំខាតបង់ទាំងថវិកាដែលពិបាករកទៀតផង។ អ្នកស្រីកបានរាបរាប់ប្រាប់វិទ្យុអូស្រ្តាលីខ្លះៗអំពីការបែកព្រាត់ពីប្ដីអាយុ២៧ឆ្នាំ ឈ្មោះតឹក ហៀក ដែលកំពុងតែជាប់គាំងទៅណាមិនរួចដោយកំពុងសំងំលាក់ខ្លួនក្នុងតំបន់ព្រៃមួយកន្លែង បន្ទាប់ពីរត់រួចខ្លួនចេញពីទាសកម្មនៅលើទូកនេសាទ។ តទៅនេះគឺជាប្រសាសន៍របស់អ្នកស្រីជុំ ជៀប ហើយក្រោយមកលោកនឹងបានស្ដាប់មតិរបស់មន្រ្តីអង្គការសិទ្ធិមនុស្សលីកាដូម្នាក់និងមេភូមិម្នាក់ផងដែរ។

(សំឡេង)

វិទ្យុអូស្រ្តាលីបានស្វែងសុំការបំភ្លឺនិងមតិពីអង្គការសិទិ្ធមនុស្សមួយក្នុងករណីជួយសងគ្រោះលោកនេះតឹកហៀកតាមការអំពាវនាវរបស់ភិយា។ លោក ចៅ សែន សុខ ជាប្រធានជនគម្រោងសង្គ្រោះអ្នករងគ្រោះការជួញដូរមនុស្សនៅអង្គការលីកាដូដែលមានលោកមានប្រសាសន៍យ៉ាងដូច្នេះ៖

(សំឡេង)

វិទ្យុអូស្រ្តាលីមិនអាចជួបតាមទូរស័ព្ទផ្ទាល់ជាមួយលោកតឹក ហៀកបានទេដោយសារទូរស័ព្ទដែលភរិយាគាត់ឲ្យមកនោះមិនដែលមាននរណាលើក។ បើតាមអ្នកស្រីជុំអៀបជាប្រពន្ធ គឺថាលោកតឹកហៀកជាអ្នកហៅទូរស័ព្ទមកប្រពន្ធប៉ុន្តែលក្ខណៈមិនបើកចំហ។ ប៉ុន្តែរយៈពេលប្រមាណបីទៅបួនថ្ងៃនេះលោកមិនដែលហៅទូរសព្ទមកសោះ។ វិទ្យុអូស្រ្តាលីបានជួបបញ្ជាក់ជាមួយប្រធានភូមិរបស់អ្នកស្រីជុំ អៀប គឺលោកមុយ ម៉ន៕