មេដឹកនាំសហជីពកម្មករផ្អាកត្រៀមធ្វើកូដកម្មនៅមុខព្រលានយន្តហោះអន្តរជាតិភ្នំពេញ

Mr. Ath Thun head of CCAWDU Union of Cambodia

មេដឹកនាំសមាគម និងសម្ព័ន្ធសហជីពវិស័យទេសចរណ៍ បានឲ្យដឹងថា នៅព្រឹកថ្ងៃពុធនេះ សហជីព បានប្រកាសផ្អាកប្រមូលផ្តុំគ្នាធ្វើកូដកម្ម ដែលគ្រោងធ្វើនៅពីមុខរបងអាកាសយានដ្ឋានអន្តរជាតិភ្នំពេញ ដោយសាតែតំណាងក្រុមហ៊ុនប្រកាសធ្វើការចរចារជាមួយតំណាងសហជីពដើម្បីបញ្ចប់
ជម្លោះ។លោក អាត់ ធន់ មានប្រសាសន៍ថា ការផ្អាកធ្វើកូដកម្ម ដែលគ្រោងរៀបចំនៅព្រឹកថ្ងៃទី២៩ ខែមករានេះ មិនមែនមានន័យថា សហជីពបញ្ឈប់ធ្វើការតវ៉ានៅថ្ងៃអនាគតនោះទេ។

លោកថ្លែងបន្តថា បើជំនួបចរចារ រវាងតំណាងសហជីព និងភាគីក្រុមហ៊ុន មិនទទួលជោគជ័យ ឬក៏ ក្រុមហ៊ុនមិនព្រមទទួលយក លោក និន កុសល អតីតបុគ្គលិកក្រុមហ៊ុន និងជាមន្ត្រីសហជីព ក្នុងក្រុមហ៊ុននេះ ដែលត្រូវបានក្រុមហ៊ុនបណ្តេញពីការងារ ឲ្យចូលធ្វើការវិញទេ កូដកម្មនឹងបន្តកើតមាននាពេលខាងមុខទៀត។

លោក អាត់ ធន់់ បានឲ្យដឹងថា គំរោងធ្វើកូដកម្ម នៅមុខព្រលានយន្តហោះអន្តរជាតិភ្នំពេញ ដែលបានប្រកាសផ្អាកនៅព្រឹកនេះ គឺសហជីពបានដាក់លិខិតជូនដំណឹង ទៅក្រុមហ៊ុនគ្រប់គ្រងព្រលានយន្តហោះនេះ តាំងពីថ្ងៃទី៦ ខែមករាមកម្ល៉េះ៕