បន្ថយហានិភ័យឈឺបេះដូង គ្រាន់តែ គេង ៦ ទៅ ៨ ម៉ោងក្នុង១យប់

តាមការស្រាវជ្រាវថ្មីបំផុត របស់បណ្ឌិត Saurabh Aggarwal នៅសាលពេទ្យឈីកាហ្គោ (អាមេរិក), មនុស្សពេញវ័យ គេងពី ៦ ទៅ ៨ ម៉ោង ក្នុង១យប់ ជាប្រចាំ អាចជួយបន្ថយហានិភ័យកើតជំងឺបេះដូង និងស្ត្រូក ។ ចំណែកអ្នកចេះតិចជាង ៦ ម៉ោង ក្នុង១យប់ នោះកើនទ្វេដងហានិភ័យនេះ ។
ទន្ទឹមនោះ ការស្រាវជ្រាវនៅបង្ហាញថា អ្នកគេងមិនគ្រប់ជាប្រចាំ កើន ២/៣ ហានិភ័យខ្សោយបេះដូង ដោយសារការកកស្ទះឈាម ។
ប៉ុន្តែ អ្នកគេច្រើនជាង ៨ ម៉ោង ក្នុង១យប់ ធ្វើឲ្យកើនទ្វេដងហានិភ័យកើតជំងឺឈឺចុកទ្រូង និងកើន ១៩% ហានិភ័យកើតជំងឺសរសៃឈាម ។
បណ្ឌិត Aggarwal ទូន្មានថា អំឡុងពេលគេងពី ៦ ទៅ ៨ ម៉ោង ក្នុង ១យប់ គឺសមស្របបំផុត ចំពោះមនុស្សពេញវ័យ ។ រីឯអ្នកច្រើនមានទម្លាប់គេងមិនចង់ក្រោក ទាំងថ្ងៃទាំងយប់ ប្រឈមមុខជាមួយហានិភ័យខ្ពស់បំផុត អំពីសរសៃឈាមបេះដូង ៕