ក្នុងការស្រាវជ្រាវ ពួកអ្នកវិទ្យាសាស្ត្រនៅសាលាសុខាភិបាលសាធារណៈហាវ៉ាដ នៅបូស្តុន (អាមេរិក) បានវិភាគការស្រាវជ្រាវចំនួន ៣៧ មុននោះ លើមនុស្សជាង ១,៨ លាននាក់ លើទូទាំងពិភពលោក ។
លទ្ធផល, កម្រិតសម្ពាធឈាម, កូឡេស្តេរ៉ូល និងជាតិស្ករក្នុងឈាមខ្ពស់ ជាមូលហេតុធ្វើឲ្យកើន ១/២ ហានិភ័យឈឺបេះដូង និង ៣/៤ ហានិភ័យដាច់សរសៃឈាមខួរក្បាល ក្នុងចំណោមអ្នកលើសទម្ងន់ ឬ ធាត់ ។
ក្នុងនោះ ស្ថានភាពសម្ពាធឈាមខ្ពស់ បង្កគ្រោះថ្នាក់គំរាមកំហែងធំបំផុត ធ្វើឲ្យកើន ៣១% ការប្រឈមកើតជំងឺបេះដូង និង ៦៥% ការប្រឈមដាច់សរសៃឈាមខួរក្បាល នៅមនុស្សធាត់ ។
Goodarz Danaei ជំនួយការសាស្ត្រាចារ្យសុខភាពពិភពលោក នៅសាកលវិទ្យាល័យហាវ៉ាដ, អ្នកដឹកនាំការស្រាវជ្រាវទូន្មានថាៈ “ការស្រាវជ្រាវបង្ហាញថា មូលហេតុបង្កជាជំងឺបេះដូង និងដាច់សរសៃឈាមខួរក្បាល នៅមនុស្សលើសទម្ងន់ ឬ ធាត់ ១ផ្នែកគឺដោយសារលើសឈាម, កូឡេស្តេរ៉ូល និងជាតិស្ករក្នុងឈាមខ្ពស់ ។ អាស្រ័យហេតុនេះ ការគ្រប់គ្រងកត្តាទាំងនេះ, ឧទាហរណ៍តាមរយៈការវិនិច្ឆ័យ និងព្យាបាលលើសឈាមប្រសិទ្ធិភាព អាចជួយទប់ស្កាត់គ្រោះថ្នាក់មួយចំនួន ចំពោះសុខភាព៕
Labels:
សុខភាព
Previous Article
