មើលរឿងអាសអាភាសក្នុងទូរស័ព្ទដៃ នឹកចង់ចាប់នារីសតិមិនគ្រប់រំលោភទាំងថ្ងៃ ត្រូវចាប់ខ្លួន

ខេត្តតាកែវ ៖ ក្មេងប្រុសមិនទាន់ជ្រុះពន្លៃពីក្បាលម្នាក់ ត្រូវបានក្រុមគ្រួសារនារីរងគ្រោះប្តឹងប៉ូលិសឱ្យចាប់ខ្លួន ដោយចោទប្រកាន់ពីបទចាប់រំលោភក្មេងស្រីរងគ្រោះទាំងកំរោលរហូតបានសម្រេច កាលពីវេលាម៉ោង១ និង១៥នាទីរសៀលថ្ងៃទី១០ ធ្នូ ២០១៣ ស្ថិតនៅចំណុចភូមិថ្មី ឃុំរវៀង ស្រុកសំរោង ខេត្តតាកែវ។ប្រភពបានឱ្យដឹងថា ជនសង្ស័យឈ្មោះដុង សេងលី ហៅអួយ អាយុ១៦ឆ្នាំ រីឯនារីរងគ្រោះអាយុ១៨ឆ្នាំ ពួកគេទាំងពីរនាក់រស់នៅភូមិ-ឃុំខាងលើ ហើយនារីរងគ្រោះនាងមានសតិមិនគ្រប់ផង ។
នៅចំពោះមុខប៉ូលិស ជនសង្ស័យបានសារភាពថា រូបគេពិតជាបានចាប់រំលោភលើនារីរងគ្រោះពិតមែន មូលហេតុដោយសារខ្លួនបានមើលរឿងអាសអាភាសក្នុងទូរស័ព្ទដៃ ទើបចាប់នារីរងគ្រោះរំលោភតែម្តង ។ ជនសង្ស័យត្រូវបានបញ្ជូនការិយាល័យកម្រិតធ្ងន់ ខេត្តដើម្បីរង់ចាំការដោះស្រាយតាមផ្លូវច្បាប់ ។