កម្ពុជាបន្តបញ្ជូនទ័ពក្រោមឆ័ត្រអង្គការសហប្រជាជាតិទៅលីបង់

UN troops are sent to Libya from Cambodia

កងយោធាកម្ពុជា និងមន្រ្តីអង្គការសហប្រជាជាតិ (អ.ស.ប) ប្រចាំនៅកម្ពុជានៅថ្ងៃអង្គារនេះ បានធ្វើពិធីជូនដំណើរកងទ័ពជាតិរបស់កម្ពុជាចំនួន១៨៤នាក់ ដែលត្រូវបញ្ជូនទៅប្រទេសលីបង់ ក្រោមការគ្រប់គ្រងរបស់ អ.ស.ប ដើម្បីរក្សាសន្តិភាព។
ថ្លែងនៅក្នុងពិធីជូនដំណើរនៅឯអាកាសយានដ្ឋានយោធា លោក ប៉ុល សារឿន ជាអគ្គមេបញ្ជាការនៃកងយោធពលខេមរភូមិន្ទកម្ពុជា បានគូសបញ្ជាក់គោលការណ៍សំខាន់ៗក្នុងក្រិត្យក្រមនៃប្រតិបត្តិការថែរក្សាសន្តិភាពរបស់អង្គការសហប្រជាជាតិ។
អ្នកសម្របសម្រួលអង្គការសហប្រជាជាតិប្រចាំកម្ពុជា លោកស្រី Claire Vander Vaeren បានថ្លែងអំណរគុណដល់ប្រទេសកម្ពុជា ចំពោះការផ្តល់ការគាំទ្រដល់បេសកកម្មអង្គការសហប្រជាជាតិក្នុងក្របខណ្ឌថែរក្សាសន្តិភាព។

ប្រទេសកម្ពុជា បានចាប់ផ្តើមបញ្ជូនកងទ័ពរបស់ខ្លួនក្រោមក្របខណ្ឌអង្គការសហប្រជាជាតិនា ឆ្នាំ២០០៦ដើម្បីបំពេញបេសកកម្មថែរក្សាសន្តិភាព មាននៅប្រទេសស៊ូដង់ខាងត្បូង ឆាត ប្រទេសអាហ្វ្រិចកណ្តាល និងប្រទេសលីបង់៕