ដោយ អៀង សុខម៉ិញ
លក្ខខណ្ឌនៃមរណភាពនេះ បានរិតតែធ្វើឱ្យការបាត់បង់ប្រធានាធិបតីក្នុងវ័យ ៤៦ឆ្នាំ ក្លាយជាព្រឹត្តិការណ៍ប្រវត្តិសាស្ត្រពិភពលោក ដែលមានចំណាប់អារម្មណ៍ និងការបកស្រាយៗយ៉ាងផុសផុលបំផុត មិនចេះរីង
ស្ងួតរហូតមកទល់ពេលបច្ចុប្បន្ន ស្ទើរក្លាយជាទេវកថាមួយ។ ម្យ៉ាងវិញទៀត មកពី លោក John F. Kennedy មានខ្សែជីវិត និងស្នាដៃគ្មានប្រៀប ៖ ក្នុងនាមជាប្រធានាធិបតី លោកបានផ្តើមគំនិតឱ្យមានកម្មវិធីបញ្ជូនមនុស្សទៅឋានព្រះចន្ទ និងទំនងជាបានជួយស្រោចស្រង់ពិភពលោកពីសង្គ្រាមនុយក្លេអ៊ែរជាមួយនឹងប្រទេសគុយបា នៅឆ្នាំ១៩៦២។ លោក បានប្តូរផ្លាស់របៀបធ្វើនយោបាយ ! ជាប្រធានាធិបតីទីមួយ ដែលយល់ និងចេះឆ្លៀតយកចំណេញពីអំណាចនៃប្រព័ន្ធផ្សព្វផ្សាយរូបភាព។ មិនខ្លាចនឹងបង្ហាញជីវិតគ្រួសារ ប្រលែងលេងជាមួយកូនៗនៅក្នុងការិយាល័យសេតវិមាន ដោយចំហឡើយ។ ជាឧទាហរណ៍ដែលលោកអូបាម៉ា បានយកគំរូតាម។
ចំពោះជីវិតឯកជនវិញ លោក ឃែណឺឌី ដែលមានភរិយាជាស្ត្រីមានចំណេះដឹង វប្បធម៌ជ្រាលជ្រៅ ស្រស់ស្អាតទាន់សម័យ ជាគំរូដែលភរិយាប្រធានាធិបតីនៅលើលោកចង់ធ្វើតាមទំនងជាមានសុខភាពមិនសូវល្អ ទំនងជាមានគូកំណាន់ជាស្ត្រីតារាចម្រៀង ទំនងជាមានទំនាក់ទំនងស្ងាត់ៗជាមួយក្រុមMafia ...។
ការធ្វើឃាតប្រធានាធិបតីដែលកំពុងឡើងប្រជាប្រិយភាពដល់កំពូល បន្សល់ទុកនូវសំណួរជាច្រើន ខ្លះយល់ថាជាការរៀបចំផែនការក្បត់សម្លាប់ប្រធានាធិបតីផង ដោយហេតុតែឃាតករដែលចាប់ខ្លួនបានភ្លាម ត្រូវបានគេលបធ្វើឃាត៤៨ម៉ោងក្រោយ នៅក្នុងប៉ុស្តិ៍ប៉ូលិស។ ៥០ឆ្នាំក្រោយ មរណភាពដ៏ចម្លែករបស់ប្រធានាធិបតីនេះ នៅតែមានសញ្ញាសួរជានិច្ច៕
លោកប្រធានាធិបតីអាមេរិក បារ៉ាក់ អូបាម៉ា និងលោក ប៊ីល គ្លីនតុន បានអញ្ជើញទៅគោរពវិញ្ញាណក្ខន្ធអតីតប្រធានាធិបតីទី ៣៥របស់អាមេរិក ចន ឃែណឺឌី តាំងពីថ្ងៃពុធទី ២០វិច្ឆិកា ជាមួយនឹងសុន្ទរកថាប្រកបដោយខ្លឹមសារផ្លូវការ និងទុក្ខដ៏ក្រៀមក្រំ ចំពោះការបាត់បង់ប្រធានាធិបតី ដែលបណ្តាជនអាមេរិកភាគច្រើនចាត់ទុកជាមហាបុរសរដ្ឋ ដឹកនាំប្រទេសឱ្យស្គាល់ភាពរុងរឿងមិនធ្លាប់មាន។ ៥០ឆ្នាំក្រោយ បណ្តាជនអាមេរិកនៅតែចងចាំថ្ងៃមរណភាព និងបន្តចោទសួរមិនអស់មិនហើយ អំពីមូលហេតុនៃការធ្វើឃាតសម្លាប់អតីតប្រធានាធិបតី កណ្តាលហ្វូងមហាជន។២២ វិច្ឆិកា ១៩៦៣ - ២២វិច្ឆិកា ២០១៣ ថ្ងៃនេះជាខួប៥០ឆ្នាំគត់នៃមរណភាពរបស់ប្រធានាធិបតីទី៣៥ របស់សហរដ្ឋអាមេរិក គឺលោក John F. Kennedy។ ប្រធានាធិបតី ប្រចាំសតវត្សរ៍ទី២០ ដែលគ្មានគូប្រៀបរូបនេះ ត្រូវបានខ្មាញ់កាំភ្លើងម្នាក់ បញ្ចេញសកម្មភាពជាលក្ខណៈឯកា បានបាញ់សម្លាប់ ចំក្បាល កណ្តាលក្បួនដង្ហែស្វាគមន៍ ដំណើរមកដល់របស់ប្រធានាធិបតី នៅក្រុង ដាឡាស រដ្ឋតិចសាស់ ថ្ងៃទី ២២វិច្ឆិកា ១៩៦៣។ រូបភាពលោកជំទាវ ហ្សាគី ឃែណឺឌី ជាភរិយា ស្ទុះវាចាប់បំបែកក្បាលស្វាមី នៅដក់ជាប់ក្នុងអារម្មណ៍បណ្តាជនអាមេរិក ព្រោះដំណើរទស្សនកិច្ចរបស់ប្រធានាធិបតីពេលនេះ មានចាក់ផ្សាយបន្តផ្ទាល់តាមកញ្ចក់ទូរទស្សន៍ផង។
Labels:
ព័ត៌មានអន្តរជាតិ
Previous Article
