រឿងអាស្រូវពុករលួយរបស់មន្រ្តីយោធាក្នុងតំណែងខ្ពស់របស់កំពុងប៉ះពាល់ដល់កេរ្តិ៍ឈ្មោះ មុខមាត់ របស់កងទ័ពជើងទឹកអាមេរិក។ ចាប់តាំងពីខែកញ្ញា មេបញ្ជាការកងទ័ពជើងទឹក
អាមេរិក ពីរនាក់ ដែលម្នាក់មានដើមកំណើតជាខ្មែរ ត្រូវបានតុលាការចាប់ខ្លួន និងចោទប្រកាន់ពីបទទទួលសំណូក និងផ្តល់ព័ត៌មានសម្ងាត់របស់ក្រសួងជើងទឹកអាមេរិកទៅឲ្យក្រុមហ៊ុនឯកជនមួយ ដែលជាអ្នកម៉ៅការផ្តល់សេវាដល់នាវាចម្បាំងរបស់អាមេរិក នៅអាស៊ី។
អាមេរិក ពីរនាក់ ដែលម្នាក់មានដើមកំណើតជាខ្មែរ ត្រូវបានតុលាការចាប់ខ្លួន និងចោទប្រកាន់ពីបទទទួលសំណូក និងផ្តល់ព័ត៌មានសម្ងាត់របស់ក្រសួងជើងទឹកអាមេរិកទៅឲ្យក្រុមហ៊ុនឯកជនមួយ ដែលជាអ្នកម៉ៅការផ្តល់សេវាដល់នាវាចម្បាំងរបស់អាមេរិក នៅអាស៊ី។
រឿងស៊ីសំណូករបស់មន្រ្តីកងទ័ពជើងទឹកអាមេរិកដែលបានផ្ទុះបែក តាំងពីខែកញ្ញា មានរូបរាង ដូចជាសម្លកំពឹស។ មន្រ្តីជាន់ខ្ពស់របស់កងនាវីអាមេរិកត្រូវបានរដ្ឋអាជ្ញារកឃើញជាបន្តបន្ទាប់ថា មានជាប់ពាក់ព័ន្ធនឹងរឿងអាស្រូវពុករលួយ ដែលគេមិនធ្លាប់ឃើញមាន ពីមុនមក នៅក្នុងប្រវត្តិកងទ័ពជើងទឹកអាមេរិក។
មកដល់ពេលនេះ មានមេបញ្ជាការនាវាចម្បាំងពីររូប និងមន្រ្តីជាន់ខ្ពស់របស់ស្ថាប័នស៊ើបអង្កេតនៃកងទ័ពជើងទឹកអាមេរិកត្រូវបានតុលាការឃាត់ និងចោទប្រកាន់ពីរឿងប្រព្រឹត្តអំពើពុករលួយ។ មន្រ្តីជាន់ខ្ពស់បីនាក់ផ្សេងទៀត ដែលពីរនាក់ មានតួនាទី ចាប់ពីនាយឧត្តមនាវីឯក ក៏ត្រូវបានកងទ័ពជើងទឹកអាមេរិកផ្អាកព្យួរពីមុខងារដែរ កាលពីថ្ងៃសុក្រកន្លងទៅ បន្ទាប់ពីពួកគេដាក់ឲ្យស្ថិតនៅក្រោមស៊ើបអង្កេតរបស់តុលាការសហព័ន្ធ។
តួអង្គសំខាន់ជាងគេ នៅក្នុងរឿងពុករលួយរបស់មន្រ្តីកងទ័ពជើងទឹកអាមេរិក គឺLeonard Francis ជនជាតិម៉ាឡេស៊ី ដែលជាអគ្គនាយកក្រុមហ៊ុនGlenn Defense Marine Asia ដែលជាក្រុមហ៊ុនទទួលបានកិច្ចសន្យាបម្រើសេវាដល់រាល់កប៉ាល់ចម្បាំង និងនាវាមុជទឹករបស់អាមេរិក នៅអាស៊ី។ Leonard Francis ត្រូវបានចាប់ខ្លួនកាលពីខែកញ្ញា ក្នុងពេលតែមួយជាមួយនឹងមេបញ្ជាការMichale Misiewiczដែលមានដើមកំណើតជាជនជាតិខ្មែរ ឈ្មោះខែមវណ្ណៈ។ នៅខែកញ្ញាដដែលនោះ ប៉ូលិសសហព័ន្ធក៏បានចាប់ខ្លួនមន្រ្តីជាន់ខ្ពស់ម្នាក់ទៀតនៃស្ថាប័នស៊ើបអង្កេតរបស់កងទ័ពជើងទឹក គឺJohn Beliveau។
វរៈនាវីទោដែលជាប់សំណាញ់ ជាប់ចោទចុងក្រោយ គឺលោកJose Luis Sanchez ដែលត្រូវបានគេចាប់ខ្លួន កាលពីថ្ងៃពុធនៅរដ្ឋហ្វ្លរីដា។ រដ្ឋអាជ្ញាបានចោទប្រកាន់មេបញ្ជាការកងទ័ពជើងទឹកទាំងពីរ ខែម វណ្ណៈ Sanchez និងមន្រ្តីស៊ើបការណ៍សម្ងាត់ Beliveauថា បានលួចផ្តល់ព័ត៌មានជាមុនពីគម្រោងចុះចតរបស់នាវាចម្បាំងអាមេរិកដែលពួកគេបញ្ជា នៅអាស៊ី ទៅឲ្យឈ្មួញ Leonard Francis។ ជាថ្នូរមកវិញ ពួកគេទាំងបីនាក់បានទទួលប្រាក់សំណូក សេវាកម្មនារីលក់ខ្លួន ដែលឈ្មួញម៉ាឡេស៊ី Francis បានផ្គត់ផ្គង់ដល់ពួកគេ។
ឈ្មួញFrancis តែងតែប្រើលុយ និងសេវានារីលក់ខ្លួន ដើម្បីទាក់ទាញមន្រ្តីជាន់ខ្ពស់របស់កងនាវាអាមេរិកាំង។ តាមឯកសាររបស់តុលាការSan Diego Francis ចាប់អារម្មណ៍ និងទាក់ទងមេបញ្ជាការMichael Misievicz ឬខែម វណ្ណៈ បន្ទាប់ពី មេបញ្ជាការអាមេរិកាំង ដើមកំណើតខ្មែររូបនេះបានដឹកនាំកប៉ាល់ចម្បាំងអាមេរិក ចូលចតកម្ពុជា ឆ្នាំ២០១០។ មួយឆ្នាំក្រោយមក គឺឆ្នាំ ២០១១ Michael Misievicz ឬខែម វណ្ណៈត្រូវបានគេដំឡើងតួនាទីជាអនុប្រធានផ្នែកប្រតិបត្តិការនៃកងនាវាទី៧ ដែលជាកម្លាំងទ័ពជើងទឹកអាមេរិកធំជាងគេ នៅបរទេស ពោលគឺមានអំណាចគ្រប់គ្រង និងបញ្ជាលើកងទ័ពជើងទឹកទាំងអស់របស់អាមេរិក ចាប់ពីភាគខាងលិចនៃមហាសមុទ្រប៉ាស៊ីហ្វិក រហូតដល់មហាសមុទ្រឥណ្ឌា។
មកដល់ពេលនេះ មានមេបញ្ជាការនាវាចម្បាំងពីររូប និងមន្រ្តីជាន់ខ្ពស់របស់ស្ថាប័នស៊ើបអង្កេតនៃកងទ័ពជើងទឹកអាមេរិកត្រូវបានតុលាការឃាត់ និងចោទប្រកាន់ពីរឿងប្រព្រឹត្តអំពើពុករលួយ។ មន្រ្តីជាន់ខ្ពស់បីនាក់ផ្សេងទៀត ដែលពីរនាក់ មានតួនាទី ចាប់ពីនាយឧត្តមនាវីឯក ក៏ត្រូវបានកងទ័ពជើងទឹកអាមេរិកផ្អាកព្យួរពីមុខងារដែរ កាលពីថ្ងៃសុក្រកន្លងទៅ បន្ទាប់ពីពួកគេដាក់ឲ្យស្ថិតនៅក្រោមស៊ើបអង្កេតរបស់តុលាការសហព័ន្ធ។
តួអង្គសំខាន់ជាងគេ នៅក្នុងរឿងពុករលួយរបស់មន្រ្តីកងទ័ពជើងទឹកអាមេរិក គឺLeonard Francis ជនជាតិម៉ាឡេស៊ី ដែលជាអគ្គនាយកក្រុមហ៊ុនGlenn Defense Marine Asia ដែលជាក្រុមហ៊ុនទទួលបានកិច្ចសន្យាបម្រើសេវាដល់រាល់កប៉ាល់ចម្បាំង និងនាវាមុជទឹករបស់អាមេរិក នៅអាស៊ី។ Leonard Francis ត្រូវបានចាប់ខ្លួនកាលពីខែកញ្ញា ក្នុងពេលតែមួយជាមួយនឹងមេបញ្ជាការMichale Misiewiczដែលមានដើមកំណើតជាជនជាតិខ្មែរ ឈ្មោះខែមវណ្ណៈ។ នៅខែកញ្ញាដដែលនោះ ប៉ូលិសសហព័ន្ធក៏បានចាប់ខ្លួនមន្រ្តីជាន់ខ្ពស់ម្នាក់ទៀតនៃស្ថាប័នស៊ើបអង្កេតរបស់កងទ័ពជើងទឹក គឺJohn Beliveau។
វរៈនាវីទោដែលជាប់សំណាញ់ ជាប់ចោទចុងក្រោយ គឺលោកJose Luis Sanchez ដែលត្រូវបានគេចាប់ខ្លួន កាលពីថ្ងៃពុធនៅរដ្ឋហ្វ្លរីដា។ រដ្ឋអាជ្ញាបានចោទប្រកាន់មេបញ្ជាការកងទ័ពជើងទឹកទាំងពីរ ខែម វណ្ណៈ Sanchez និងមន្រ្តីស៊ើបការណ៍សម្ងាត់ Beliveauថា បានលួចផ្តល់ព័ត៌មានជាមុនពីគម្រោងចុះចតរបស់នាវាចម្បាំងអាមេរិកដែលពួកគេបញ្ជា នៅអាស៊ី ទៅឲ្យឈ្មួញ Leonard Francis។ ជាថ្នូរមកវិញ ពួកគេទាំងបីនាក់បានទទួលប្រាក់សំណូក សេវាកម្មនារីលក់ខ្លួន ដែលឈ្មួញម៉ាឡេស៊ី Francis បានផ្គត់ផ្គង់ដល់ពួកគេ។
ឈ្មួញFrancis តែងតែប្រើលុយ និងសេវានារីលក់ខ្លួន ដើម្បីទាក់ទាញមន្រ្តីជាន់ខ្ពស់របស់កងនាវាអាមេរិកាំង។ តាមឯកសាររបស់តុលាការSan Diego Francis ចាប់អារម្មណ៍ និងទាក់ទងមេបញ្ជាការMichael Misievicz ឬខែម វណ្ណៈ បន្ទាប់ពី មេបញ្ជាការអាមេរិកាំង ដើមកំណើតខ្មែររូបនេះបានដឹកនាំកប៉ាល់ចម្បាំងអាមេរិក ចូលចតកម្ពុជា ឆ្នាំ២០១០។ មួយឆ្នាំក្រោយមក គឺឆ្នាំ ២០១១ Michael Misievicz ឬខែម វណ្ណៈត្រូវបានគេដំឡើងតួនាទីជាអនុប្រធានផ្នែកប្រតិបត្តិការនៃកងនាវាទី៧ ដែលជាកម្លាំងទ័ពជើងទឹកអាមេរិកធំជាងគេ នៅបរទេស ពោលគឺមានអំណាចគ្រប់គ្រង និងបញ្ជាលើកងទ័ពជើងទឹកទាំងអស់របស់អាមេរិក ចាប់ពីភាគខាងលិចនៃមហាសមុទ្រប៉ាស៊ីហ្វិក រហូតដល់មហាសមុទ្រឥណ្ឌា។
លោកMichael Vanank Khem Misiewicz អតីតមេបញ្ជាការនាវាពិឃាតអាមេរិក ដែលមានដើមកំណើតជាខ្មែរ
©khem Vannak
Michael Misievicz ដែលមានឈ្មោះខ្មែរថា ខែម វណ្ណៈត្រូវបានស្រ្តីធ្វើការនៅស្ថានទូតអាមេរិកាំងម្នាក់យកទៅចិញ្ចឹម និងចាកចេញពីកម្ពុជា នៅឆ្នាំ ១៩៧៣ គឺមុនពេលខ្មែរក្រហមវាយចូលភ្នំពេញ។ កូនខ្មែររូបនេះត្រូវបានបញ្ជូនឲ្យទៅរៀននៅសាលាកងទ័ពជើងទឹកអាមេរិកតាំងពីតូច មុននឹងទទួលការដំឡើងសក្តិជាបន្តបន្ទាប់រហូតដល់ ក្លាយជាមេបញ្ជាការ នាវាពិឃាដរបស់អាមេរិក។ ប៉ុន្តែ បុណ្យសក្តិ និងកិត្តិយសរបស់បុរសអាមេរិកាំងដើមកំណើតខ្មែរបានធ្លាក់អាប់ឱនមកវិញ បន្ទាប់ពី តុលាការបានរកឃើញថា Michael Misievicz ឬខែម វណ្ណៈបានផ្តល់ព័ត៌មានស្តីពីដំណើរចរណ៍របស់នាវាពិឃាដ ឬនាវាមុជទឹករបស់អាមេរិកនៅអាស៊ី ទៅឲ្យឈ្មួញ Francis។ Francis មិនត្រឹមតែផ្តល់នារីលក់ខ្លួន ទៅឲ្យខែម វណ្ណៈប៉ុណ្ណោះទេ គេនៅបានផ្តល់ដំណើរកំសាន្ត ថ្លៃៗ និងសំបុត្រចូលមើលតន្រ្តីរបស់អ្នកចម្រៀងLady Gagaនៅទីក្រុងបាងកកដែល Michael Misievicz ឬខែម វណ្ណៈបានចែករំលែកជាមួយក្រុមគ្រួសារ។
Francis បានផ្តល់សំណូកដើម្បីឲ្យ Michael Misievicz ឬខែម វណ្ណៈ ឧស្សាហ៍បញ្ជាឲ្យគេចូលចតកប៉ាល់ចម្បាំងរបស់អាមេរិក នៅកំពង់ផែនៅអាស៊ី ដូចជានៅថៃ ឥណ្ឌូណេស៊ី ដែលមានក្រុមហ៊ុនរបស់Francis បម្រើការ ហើយដែលតាមពិតទៅ មិនចាំបាច់ ទាល់តែសោះ នៅក្នុងគម្រោងគោចរណ៍របស់កងនាវាអាមេរិក។ បន្ទាប់មក ឈ្មួញម៉ាឡេស៊ី ដែលមានទីតាំងនៅសិង្ហបុរី បានធ្វើបញ្ជី បន្លំ និងទារថ្លៃសេវាយ៉ាងក្រាសក្រែលពីកងទ័ពជើងទឹកអាមេរិក។ តាមឯកសាររបស់តុលាការ Francis បានបន្លំបញ្ជី ទារថ្លៃពីកងទ័ពជើងទឹក ដែលជាអតិថិជន ដល់ទៅ១០លានដុល្លារ ចាប់តាំងពីឆ្នាំ ២០១១។ ជាមួយនឹងគំនិតស៊ុំគ្រលំពីមេបញ្ជាការជាន់ខ្ពស់អាមេរិក Francis បានបន្លំ ដំឡើងថ្លៃលើសេវាផ្គត់ផ្គង់អាហារ បោសសំរាម ពីនាវា ឬប្រេងចាក់នាវាអាមេរិក ដែលតាមពិតតម្លៃរបស់វានៅទីផ្សារ ថោកជាងប្រេងដែលFrancis គិតចំណេញពីកងទ័ពជើងទឹកអាមេរិក។ តាមពិតទៅ កងទ័ពជើងទឹកអាមេរិកបានបើកការស៊ើបអង្កេតតាំងពីឆ្នាំ ២០១០ប្រឆាំងនឹងFrancis បន្ទាប់ពីមានវិក័យប័ត្រមិនប្រក្រតីមួយដែលFrancis បានទារលើសពីការកំណត់ក្នុងកិច្ចសន្យា។ ប៉ុន្តែ អាជ្ញាធរអាមេរិកនៅតែគ្មានភស្តុតាងដើម្បីចាប់និងចោទFrancis។ ទើបរហូតដល់ខែ កញ្ញា ស្ថាប័នទ័ពជើងទឹកអាមេរិក អាចចាប់Francis ដោយបានបញ្ឆោតគេឲ្យទៅអាមេរិក ដើម្បីពិភាក្សាពីជំនួញ និងកិច្ចសន្យា។ តុលាការមានភស្តុតាងអាចចាប់Francis និងចោទពីបទបន្លំឯកសារ និងបោកប្រាស់កងទ័ពជើងទឹកអាមេរិកបាន បន្ទាប់ពីគេចាប់បានរនុកក្នុង ម្នាក់ គឺមន្រ្តីស៊ើបអង្កេត Beliveau។ Beliveau ដែលបានទទួលសេវានារីលក់ខ្លួនពី Francis តែងតែលួចផ្តល់ព័ត៌មានសម្ងាត់ របស់កងទ័ពជើងទឹកអាមេរិក ស្តីពីការស៊ើបអង្កេតប្រឆាំងនឹងក្រុមហ៊ុនរបស់Francis ទៅឲ្យFrancis ជាមុន ដើម្បីឲ្យFrancis មានមធ្យោបាយជៀសផុតពីការចោទប្រកាន់។
យុទ្ធនាការបោសសម្អាតមន្រ្តីពុករលួយរបស់កងទ័ពជើងទឹកនៅមិនទាន់ចប់ ដោយគេសង្ស័យថា នឹងអាចមានមន្រ្តីជាន់ខ្ពស់អាមេរិកជាច្រើននាក់ផ្សេងទៀត អាចជាប់នុយសន្ទូច ទទួលសំណូកពីឈ្មួញFrancis។ កងទ័ពជើងទឹកអាមេរិកទាំងមូលកំពុងបាក់មុខ ដោយសារតែមន្រ្តីជាន់ខ្ពស់របស់ខ្លួនដែលគេធ្លាប់ចាត់ទុកថា ជាមនុស្សគំរូ ស្នេហាកិត្តិយស និងកងទ័ពជាតិ នៅពេលនេះបានធ្លាក់ អន្លង់តណ្ហា និងទឹកប្រាក់។ រឿងអាស្រូវមិនត្រឹមតែតែធ្វើឲ្យកូនទាហានអាមេរិកអស់ជំនឿទុកចិត្តលើមេបញ្ជាការរបស់ខ្លួនតែប៉ុណ្ណោះទេ ប៉ុន្តែ វាអាចប៉ះពាល់ដល់មុខមាត់កងទ័ពជើងទឹកទាំងមូលរបស់អាមេរិក ដែលពេលនេះកំពុងពង្រឹងវត្តមាន និងមុខមាត់ នៅអាស៊ីប៉ាស៊ីហ្វិក៕
Francis បានផ្តល់សំណូកដើម្បីឲ្យ Michael Misievicz ឬខែម វណ្ណៈ ឧស្សាហ៍បញ្ជាឲ្យគេចូលចតកប៉ាល់ចម្បាំងរបស់អាមេរិក នៅកំពង់ផែនៅអាស៊ី ដូចជានៅថៃ ឥណ្ឌូណេស៊ី ដែលមានក្រុមហ៊ុនរបស់Francis បម្រើការ ហើយដែលតាមពិតទៅ មិនចាំបាច់ ទាល់តែសោះ នៅក្នុងគម្រោងគោចរណ៍របស់កងនាវាអាមេរិក។ បន្ទាប់មក ឈ្មួញម៉ាឡេស៊ី ដែលមានទីតាំងនៅសិង្ហបុរី បានធ្វើបញ្ជី បន្លំ និងទារថ្លៃសេវាយ៉ាងក្រាសក្រែលពីកងទ័ពជើងទឹកអាមេរិក។ តាមឯកសាររបស់តុលាការ Francis បានបន្លំបញ្ជី ទារថ្លៃពីកងទ័ពជើងទឹក ដែលជាអតិថិជន ដល់ទៅ១០លានដុល្លារ ចាប់តាំងពីឆ្នាំ ២០១១។ ជាមួយនឹងគំនិតស៊ុំគ្រលំពីមេបញ្ជាការជាន់ខ្ពស់អាមេរិក Francis បានបន្លំ ដំឡើងថ្លៃលើសេវាផ្គត់ផ្គង់អាហារ បោសសំរាម ពីនាវា ឬប្រេងចាក់នាវាអាមេរិក ដែលតាមពិតតម្លៃរបស់វានៅទីផ្សារ ថោកជាងប្រេងដែលFrancis គិតចំណេញពីកងទ័ពជើងទឹកអាមេរិក។ តាមពិតទៅ កងទ័ពជើងទឹកអាមេរិកបានបើកការស៊ើបអង្កេតតាំងពីឆ្នាំ ២០១០ប្រឆាំងនឹងFrancis បន្ទាប់ពីមានវិក័យប័ត្រមិនប្រក្រតីមួយដែលFrancis បានទារលើសពីការកំណត់ក្នុងកិច្ចសន្យា។ ប៉ុន្តែ អាជ្ញាធរអាមេរិកនៅតែគ្មានភស្តុតាងដើម្បីចាប់និងចោទFrancis។ ទើបរហូតដល់ខែ កញ្ញា ស្ថាប័នទ័ពជើងទឹកអាមេរិក អាចចាប់Francis ដោយបានបញ្ឆោតគេឲ្យទៅអាមេរិក ដើម្បីពិភាក្សាពីជំនួញ និងកិច្ចសន្យា។ តុលាការមានភស្តុតាងអាចចាប់Francis និងចោទពីបទបន្លំឯកសារ និងបោកប្រាស់កងទ័ពជើងទឹកអាមេរិកបាន បន្ទាប់ពីគេចាប់បានរនុកក្នុង ម្នាក់ គឺមន្រ្តីស៊ើបអង្កេត Beliveau។ Beliveau ដែលបានទទួលសេវានារីលក់ខ្លួនពី Francis តែងតែលួចផ្តល់ព័ត៌មានសម្ងាត់ របស់កងទ័ពជើងទឹកអាមេរិក ស្តីពីការស៊ើបអង្កេតប្រឆាំងនឹងក្រុមហ៊ុនរបស់Francis ទៅឲ្យFrancis ជាមុន ដើម្បីឲ្យFrancis មានមធ្យោបាយជៀសផុតពីការចោទប្រកាន់។
យុទ្ធនាការបោសសម្អាតមន្រ្តីពុករលួយរបស់កងទ័ពជើងទឹកនៅមិនទាន់ចប់ ដោយគេសង្ស័យថា នឹងអាចមានមន្រ្តីជាន់ខ្ពស់អាមេរិកជាច្រើននាក់ផ្សេងទៀត អាចជាប់នុយសន្ទូច ទទួលសំណូកពីឈ្មួញFrancis។ កងទ័ពជើងទឹកអាមេរិកទាំងមូលកំពុងបាក់មុខ ដោយសារតែមន្រ្តីជាន់ខ្ពស់របស់ខ្លួនដែលគេធ្លាប់ចាត់ទុកថា ជាមនុស្សគំរូ ស្នេហាកិត្តិយស និងកងទ័ពជាតិ នៅពេលនេះបានធ្លាក់ អន្លង់តណ្ហា និងទឹកប្រាក់។ រឿងអាស្រូវមិនត្រឹមតែតែធ្វើឲ្យកូនទាហានអាមេរិកអស់ជំនឿទុកចិត្តលើមេបញ្ជាការរបស់ខ្លួនតែប៉ុណ្ណោះទេ ប៉ុន្តែ វាអាចប៉ះពាល់ដល់មុខមាត់កងទ័ពជើងទឹកទាំងមូលរបស់អាមេរិក ដែលពេលនេះកំពុងពង្រឹងវត្តមាន និងមុខមាត់ នៅអាស៊ីប៉ាស៊ីហ្វិក៕
Labels:
ព័ត៌មានអន្តរជាតិ
Previous Article
