អ្នកលក់ដូរក្នុងរមណីយដ្ឋានទន្លេបាទីមិនចង់ឲ្យមានក្រុមហ៊ុនគ្រប់គ្រង

រមណីយដ្ឋានទន្លេបាទី ក្នុងស្រុកបាទី ខេត្តតាកែវ ជាកន្លែងលម្ហែអារម្មណ៍មួយ ដែលបានបម្រើដល់ការកំសាន្ត របស់ប្រជាពលរដ្ឋជិតឆ្ងាយជាច្រើនឆ្នាំមកហើយ ប៉ុន្តែ អ្នកផ្តល់សេវាទេសចរណ៍ ដូចជាអ្នកលក់អាហារនៅទីនេះត្អូញត្អែរថា ពួកគាត់មិនទទួលផលពីវិស័យទេសចរណ៍នៅក្នុងមូលដ្ឋានរបស់ខ្លួនឡើយ

ដោយសារនៅទីនោះ មានក្រុមហ៊ុនគ្រប់គ្រង។ ប្រជាពលរដ្ឋចោទថា ក្រុមហ៊ុនដែលទទួលសិទ្ធវិយោគអភិវឌ្ឈន៍តំបន់ទន្លេបាទី មិនបានធ្វើអ្វីក្រៅពីបានសង់តូបជួលឲ្យពួកគាត់ មិនផ្តល់សិទ្ធិឲ្យពួកគាត់លក់អាហារដោយខ្លួនឯង ។ អ្វីៗត្រូវឆ្លងកាត់ក្រុមហ៊ុនទំាងអស់ ដែលធ្វើឲ្យជីវភាពអ្នកស្រុកលំបាកទៅៗ និងមានអ្នកខ្លះ បានចងការប្រាក់ពីធនាគារ មកបង់ថ្លៃតូបឲ្យក្រុមហ៊ុន។