ដោយ ព្រំ សឿន សូលីណា
នៅថ្ងៃអង្គារនេះ រដ្ឋាភិបាលថៃបានប្រកាសថា គណៈកម្មការបោះឆ្នោតជាតិ និងនាយករដ្ឋមន្ត្រីយីងឡាក់ បានសម្រេចថា ការបោះឆ្នោតសភាមុនកាលកំណត់ នៅតែដំណើរការ នៅថ្ងៃអាទិត្យ ២កុម្ភៈ ចុងសប្តាហ៍នេះដដែល។ ថ្ងៃអង្គារនេះ ការបាញ់ប្រហារមួយ បានផ្ទុះឡើង នៅជិតអគារដែលលោកស្រី យីងឡាក់ និង គណៈកម្មការបោះឆ្នោត ជួបពិភាក្សាគ្នា បណ្តាលអោយមនុស្សរបួស២នាក់។
គណៈកម្មការបោះឆ្នោត និងរដ្ឋាភិបាលថៃ បានសម្រេចថា ការបោះឆ្នោតសភាមុនកាលកំណត់ នឹងត្រូវប្រព្រឹត្តទៅនៅថ្ងៃអាទិត្យ២កុម្ភៈ ចុងសប្តាហ៍នេះ ដូចជាការគ្រោងទុកដដែល។ នេះបើយោងតាមការប្រកាសរបស់រដ្ឋាភិបាលថៃ។
ការសម្រេចនេះ ធ្វើឡើងក្នុងពេលដែលនាយករដ្ឋមន្ត្រីយីងឡាក់ បានជួបពិភាក្សាជាមួយគណៈកម្មការបោះឆ្នោតនៅថ្ងៃអង្គារនេះ។ ដំបូងឡើយ គណៈកម្មការបោះឆ្នោតបានស្នើលោកស្រីយីងឡាក់ អោយលើកពេលបោះឆ្នោត ១២០ថ្ងៃបន្ថែមទៀត ដោយសារតែស្ថានភាពសន្តិសុខក្នុងប្រទេស នៅមិនអំណោយផលដល់ដំណើរការបោះឆ្នោត។ ប៉ុន្តែ ទីបំផុត ភាគីទាំង២បានសម្រេចមិនលើកពេលទៅវិញ។
គួររំលឹកថា ជំនួបរវាងនាយករដ្ឋមន្ត្រីថៃ និងគណៈកម្មការបោះឆ្នោត បានធ្វើឡើង ដោយសារតែតុលាការធម្មនុញ្ញវិនិច្ឆ័យថា ការបោះឆ្នោតសភាមុនកាលកំណត់នេះ អាចនឹងត្រូវលើកពេលបន្ថែមទៀត។ សម្រាប់លោកស្រីយីងឡាក់ ការបោះឆ្នោតសភាមុនកាលកំណត់នេះ គឺជាដំណោះស្រាយប្រសើរបំផុត សម្រាប់វិបត្តិនយោបាយបច្ចុប្បន្ន។ ការប៉ះទង្គិចហិង្សាក្នុងចលនាបាតុកម្មប្រឆាំងរដ្ឋាភិបាល៣ខែមកនេះ បានសម្លាប់មនុស្សយ៉ាងហោច១០នាក់ និងធ្វើអោយរបួសរាប់រយនាក់មកហើយ។
នៅថ្ងៃអាទិត្យកន្លងទៅ បាតុករបានរាំងស្ទះដំណើរការបោះឆ្នោតសភា មុនកាលកំណត់ ធ្វើអោយការិយាល័យបោះឆ្នោតច្រើនកន្លែង បិទទ្វារ។ ហើយនៅថ្ងៃចន្ទ រដ្ឋាភិបាលផ្តល់ពេល៧២ម៉ោង អោយបាតុករដកខ្លួនឈប់កាន់កាប់អគារសាធារណៈនានាទៀត ប៉ុន្តែ លោកស៊ូថេប ជាមេដឹកនាំចលនាប្រឆាំងបានបដិសេធដាច់ខាត ថែមទាំងប្រាប់ទៀតថា នៅថ្ងៃអាទិត្យ២កុម្ភៈ ដែលជាថ្ងៃបោះឆ្នោតនេះ នឹងធ្វើបាតុកម្មបិទផ្ទប់ផ្លូវនានាដែលជាច្រកធ្វើដំណើរទៅកាន់ការិយាល័យបោះឆ្នោត។
ដោយឡែក កាលពីថ្ងៃចន្ទ អតីតនាយករដ្ឋមន្ត្រីថៃ លោកអភិសិត វេចាជីវ៉ា បានប្រាប់សារព័ត៌មានបារាំង AFP អា អេហ្វ ប៉េ ថាបក្សប្រឆាំងអាចនឹងចូលរួមការបោះឆ្នោតសភានេះ ប្រសិនបើការបោះឆ្នោត ត្រូវបានលើកធ្វើទៅពេលក្រោយ។ ក្នុងចន្លោះពេលមុនបោះឆ្នោតនេះ លោកអភិសិតអំពាវនាវអោយមានការសរសេរផែនការសម្រាប់កំណែទម្រង់៕
គួររំលឹកថា ជំនួបរវាងនាយករដ្ឋមន្ត្រីថៃ និងគណៈកម្មការបោះឆ្នោត បានធ្វើឡើង ដោយសារតែតុលាការធម្មនុញ្ញវិនិច្ឆ័យថា ការបោះឆ្នោតសភាមុនកាលកំណត់នេះ អាចនឹងត្រូវលើកពេលបន្ថែមទៀត។ សម្រាប់លោកស្រីយីងឡាក់ ការបោះឆ្នោតសភាមុនកាលកំណត់នេះ គឺជាដំណោះស្រាយប្រសើរបំផុត សម្រាប់វិបត្តិនយោបាយបច្ចុប្បន្ន។ ការប៉ះទង្គិចហិង្សាក្នុងចលនាបាតុកម្មប្រឆាំងរដ្ឋាភិបាល៣ខែមកនេះ បានសម្លាប់មនុស្សយ៉ាងហោច១០នាក់ និងធ្វើអោយរបួសរាប់រយនាក់មកហើយ។
នៅថ្ងៃអាទិត្យកន្លងទៅ បាតុករបានរាំងស្ទះដំណើរការបោះឆ្នោតសភា មុនកាលកំណត់ ធ្វើអោយការិយាល័យបោះឆ្នោតច្រើនកន្លែង បិទទ្វារ។ ហើយនៅថ្ងៃចន្ទ រដ្ឋាភិបាលផ្តល់ពេល៧២ម៉ោង អោយបាតុករដកខ្លួនឈប់កាន់កាប់អគារសាធារណៈនានាទៀត ប៉ុន្តែ លោកស៊ូថេប ជាមេដឹកនាំចលនាប្រឆាំងបានបដិសេធដាច់ខាត ថែមទាំងប្រាប់ទៀតថា នៅថ្ងៃអាទិត្យ២កុម្ភៈ ដែលជាថ្ងៃបោះឆ្នោតនេះ នឹងធ្វើបាតុកម្មបិទផ្ទប់ផ្លូវនានាដែលជាច្រកធ្វើដំណើរទៅកាន់ការិយាល័យបោះឆ្នោត។
ដោយឡែក កាលពីថ្ងៃចន្ទ អតីតនាយករដ្ឋមន្ត្រីថៃ លោកអភិសិត វេចាជីវ៉ា បានប្រាប់សារព័ត៌មានបារាំង AFP អា អេហ្វ ប៉េ ថាបក្សប្រឆាំងអាចនឹងចូលរួមការបោះឆ្នោតសភានេះ ប្រសិនបើការបោះឆ្នោត ត្រូវបានលើកធ្វើទៅពេលក្រោយ។ ក្នុងចន្លោះពេលមុនបោះឆ្នោតនេះ លោកអភិសិតអំពាវនាវអោយមានការសរសេរផែនការសម្រាប់កំណែទម្រង់៕
Labels:
ព័ត៌មានអន្តរជាតិ
Previous Article
