ពលរដ្ឋខេត្តព្រៃវែងតវ៉ាឲ្យដោះលែងបុរសម្នាក់ចេញពីគុក

បុរសវ័យ ៤០ជាងម្នាក់នៅខេត្តព្រៃវែង ត្រូវបានតុលាការដោះលែងចេញពីគុកខេត្តស្វាយរៀង រយៈពេលប៉ុន្មានម៉ោង ក្រោយអ្នកភូមិបានលើកគ្នាតវ៉ារួចមក។
បុរសឈ្មោះ ឡុង យឺន នៅភូមិព្រំ ឃុំព្រែកព្នៅ ស្រុកពារាំង ខេត្តព្រៃវែង ត្រូវបានតុលាការចាប់ដាក់គុកកាលពីសប្ដាហ៍មុន។ បុរសរូបនេះត្រូវបានចាប់ខ្លួន ដោយសារបានទៅស៊ីផឹកផ្ទះអ្នកភូមិជិតខាង ហើយប្ដីម្ចាស់ផ្ទះស៊ីផឹកចោទថា បានបេះបួយប្រពន្ធខ្លួន រួចក៏ប្ដឹងប៉ូលិសចាប់ខ្លួនដាក់គុកពីបទបៀតបៀនកេរ្តិ៍ខ្មាស។
ក៏ប៉ុន្តែ នៅថ្ងៃទី១៨ ធ្នូ នេះ ប្រជាពលរដ្ឋចំនួនប្រហែល ២០០នាក់ បានលើកគ្នាទៅតវ៉ានៅសាលាស្រុកពាមរ បញ្ជាក់ប្រាប់អាជ្ញាធរថា បុរសឈ្មោះ ឡុង យឺន ជាមនុស្សល្អទេ ហើយត្រូវគេមួលបង្កាច់។ ប៉ុន្មានម៉ោងក្រោយមក អាជ្ញាធរ និងមន្ត្រីតុលាការ បាននាំគ្នាទៅចរចាជាមួយប្រធានគុកព្រៃវែង សុំឲ្យដោះលែងបុរសនោះមកវិញ។

សូមស្ដាប់ និងអានព័ត៌មាននេះពិស្ដារ ប្រភព៖RFA