សាកសពអ្នកសារព័ត៌មានវិទ្យុបារាំងRFI ទាំងពីររូប គឹលោកស្រី Ghislaine Dupont និងលោក Claude Verlon ដែលត្រូវក្រុមភេរវជនបាញ់សំលាប់ នៅប្រទេសម៉ាលី កាលពីថ្ងៃសៅរ៍សប្តាហ៍មុននោះ បានបញ្ជូនមកដល់ប្រទេសបារាំងហើយ នៅព្រឹកថ្ងៃអង្គារនេះ។ ប្រធានាធិបតីបារាំងបានធ្វើដំណើរទៅអាកាសយានដ្ឋាន Roissy-Charles-de-Gaulle ដើម្បីទទួលសាកសពដោយផ្ទាល់។ ការិយាល័យវិទ្យុបារាំងអន្តរជាតិនៅប៉ារីសរៀបចំធ្វើពិធីគោរពវិញ្ញាណក្ខន្ធដល់អ្នកសារព័ត៌មានទាំងពីររូប នៅថ្ងៃអង្គារនេះផងដែរ។
ប្រធានាធិបតីបារាំង លោក ហ្វ្រង់ស៊័រ ហូឡង់ ប្រមុខការទូតបារាំង លោកឡូរ៉ង់ ហ្វាប៊ីយុស ព្រមទាំងរដ្ឋមន្ត្រីក្រសួងវប្បធម៌និងទំនាក់ទំនងបារាំង គឺលោកស្រី Aurélie Filippetti បានចុះទៅអាកាសយានដ្ឋាន Roissy-Charles-de-Gaulle នៅជាយក្រុងប៉ារីសដោយផ្ទាល់ ដើម្បីទទួលយកសាកសពអ្នកសារព័ត៌មានវិទ្យុបារាំងRFI ទាំងពីរ និងក៏ដើម្បីចូលរួមរំលែកមរណៈទុក្ខជាមួយក្រុមគ្រួសារសាកសពផងដែរ។ នៅថ្ងៃចន្ទម្សិលមិញ ប្រធានាធិបតីប្រទេសម៉ាលី គឺលោកអ៊ីប្រាហ៊ី ប៊ូបាកា កីតា បានបំពាក់កិច្ចបឆ្ឆាមរណៈអោយដល់អ្នកសារព័ត៌មានបារាំងទាំងពីររូប។
អគ្គនាយកវិទ្យុបារាំងអន្តរជាតិ RFI លោកស្រី Marie-Christine Saragosse និងប្រធាន គ្រប់គ្រងផ្នែកអាហ្វ្រិកនៃវិទ្យុបារាំងRFI ក៏មានវត្តមាននៅអាកាសយានដ្ឋានផងដែរ។ នៅថ្ងៃចន្ទម្សិលមិញ មុននឹងសាកសពបានបញ្ជូនមកដល់ប្រទេសបារាំង ក៏មានការគោរពវិញ្ញានក្ខន្ធលើកចុងក្រោយជូនចំពោះសាកសពអ្នកសារព័ត៌មានវិទ្យុបារាំងRFI ទាំងពីររូប គឹលោកស្រី Ghislaine Dupont និងលោក Claude Verlon ផងដែរ នៅអាកាសយានដ្ឋានក្រុងបាម៉ាកូ ប្រទេសម៉ាលី។
គួររំលឹកថា លោកស្រី Ghislaine Dupont និងលោក Claude Verlon ត្រូវបានក្រុមភេរវជនបាញ់សំលាប់ កាលពីថ្ងៃសៅរ៍ នៅក្រុងគីដាល់ ប្រទេសម៉ាលី។ សាកសពអ្នកសារព័ត៌មានទាំងពីរត្រូវបញ្ជូនទៅវិទ្យាស្ថានវេជ្ជសាស្ត្រនៅក្រុងប៉ារីស ដើម្បីធ្វើកោសល្យវិច័យ។ អាជ្ញាធរម៉ាលី និងអាជ្ញាធរបារាំងកំពុងស៊ើបអង្កេតលើឃាតកម្មនេះ។ កាលពីថ្ងៃអាទិត្យ កងទ័ពបារាំងសហការជាមួយកងទ័ពម៉ាលី បានចាប់ខ្លួនមនុស្ស៥នាក់។ ជនទាំងនេះ មិនមែនជាឃាតករផ្ទាល់នោះទេ ប៉ុន្តែពួកគេអាចជួយអោយការស៊ើបអង្កេតវែកមុខក្រុមភេរវជនដែលបានបាញ់សំលាប់ អ្នកសារព័ត៌មានវិទ្យុបារាំង។ ទន្ទឹមនេះដែរ ប៉ូលិសស៊ើបអង្កេតពិសេសបារាំង៥នាក់ កំពុងតែធ្វើដំណើរទៅម៉ាលី ដើម្បីសហការស៊ើបអង្កេតជាមួយអាជ្ញាធរម៉ាលី។
ភាគខាងត្បូង ប្រទេសម៉ាលី នៅតែស្ថិតក្នុងស្ថានភាពអសន្តិសុខខ្ពស់ជានិច្ច ទោះបីជាកងទ័ពបារាំងបានទទួលជោគជ័យក្នុងការប្រយុទ្ធជាមួយក្រុមឧទ្ទាមជីហាដក៏ដោយ។ ជាក់ស្តែង គឺបានបង្ហាញតាមរយៈឃាតកម្មលើអ្នកសារព័ត៌មានវិទ្យុបារាំងយើងទាំងពីររូបនេះតែម្តង។ កងទ័ពបារាំងនៅទីនោះទៀតសោត ក៏មិនអាចរំពឹងលើកងទ័ពអាហ្វ្រិកមកពីប្រទេសសេណេហ្កាល់ និងបេណាំង ដែលដាក់ការពារនៅតំបន់នោះដែរ៕
ប្រធានាធិបតីបារាំង លោក ហ្វ្រង់ស៊័រ ហូឡង់ ប្រមុខការទូតបារាំង លោកឡូរ៉ង់ ហ្វាប៊ីយុស ព្រមទាំងរដ្ឋមន្ត្រីក្រសួងវប្បធម៌និងទំនាក់ទំនងបារាំង គឺលោកស្រី Aurélie Filippetti បានចុះទៅអាកាសយានដ្ឋាន Roissy-Charles-de-Gaulle នៅជាយក្រុងប៉ារីសដោយផ្ទាល់ ដើម្បីទទួលយកសាកសពអ្នកសារព័ត៌មានវិទ្យុបារាំងRFI ទាំងពីរ និងក៏ដើម្បីចូលរួមរំលែកមរណៈទុក្ខជាមួយក្រុមគ្រួសារសាកសពផងដែរ។ នៅថ្ងៃចន្ទម្សិលមិញ ប្រធានាធិបតីប្រទេសម៉ាលី គឺលោកអ៊ីប្រាហ៊ី ប៊ូបាកា កីតា បានបំពាក់កិច្ចបឆ្ឆាមរណៈអោយដល់អ្នកសារព័ត៌មានបារាំងទាំងពីររូប។
Labels:
ព័ត៌មានអន្តរជាតិ
Previous Article
